شعر.~~

موضوع: شعر.~~ الثلاثاء يونيو 26, 2012 9:02 pm

بعد خمس سنين مريت
أنا بالسوق و شفتہ
صدفہ جابتني لدربہ من بعد خمسة سنين
والله إني من سمعتہ
كلم البايع عرفتہ
إلتفت
بلهفة اللي حيل مضنيها الحنين
لكن الصدمہ عظيمہ
شايلن بيديه بنتہ
ومعه أم البنت تمشي
شابكہ فيه اليدين
وقتها دارت بي الدنيا وحزني ما احتملتہ
حارت دموعي
وأواسي نفسي [ياريم] اليقين
وصرت أفكر
يعني يعرفني مثل ما أنـاعرفتہ
وإلا ناسي ﻗﻟبي
اللي مارضى بغيره ضنين
دق جوالہ
ونزل من على الاحضان بنتہ
و ركضت بنتہ ونادى:ريم لا لا توقعين
قمت أناظرها
ودمع احتار بعيوني ذرفتہ
استوت هالدنيا عندي
عادي لو موتي يحين
انحنيت أبوس ريم
وخدها الايمن لمستہ
التفت لي وقال لي:
ياهيه فيها وش تبين
قمت أتجاهل
واسوي نفسي كني ماسمعتہ
قال:يااختي
ابعدي عنها ولاتستهبلين
ويوم قرب لي
بعيني من ورا البرقع خزرته
وإنكسر صمتي
وقلت:الله على الدنيا يعين
طاح جواله
تلعثم قال:أنا بحلمن حلمتہ
وإلا واقع
فهميني ليه عني تبعدين
ليه عني ماسألتي
وأنا هذا الكون بعتہ
لجل عينك ياعيوني
وما أظنك تجهلين
أنا من بعدك ياريمي
حتى طاري العرس عفتہ
ناظري فيني
وشوفي كيف من بعدك حزين
والله إني ما أنام إلا وماضينا ذكرتہ
أنتي وحدك
من جعلتي قلبي القاسي يلين
أقسم بربي
غلاك بيوم ماعمري جحدتہ
ماإلتفت لبنت غيرك
ما سمعت العاذلين
ماسهجت دروب غيرك
دربك اللي بس سهجتہ
وش أسوي
لجل ياروحي كلامي تصدقين
حتى شوفي
هذي أختي تشهد بصدق اللي قلتہ
وهذي طفلتها
على اسمك اسمها وتستاهلين
صدقيني مانسيتك
حبك الصادق حشمتہ
حتى حرف الراء منك
باقي له بإذني رنين
قلت: أنا والله صنتہ
حبك اللي كان
أصفى من ورود الياسمين
كم طلبني واحدن غيرك
وأنا لجلك رفضتہ
وكم تحملت الغثاء
واسمع شماتة شامتين
وكم لجل عينك
بكيت وحتى ليلي لك سهرتہ
حيل ذابحني غيابك
وفرحوا بي الحاسدين
وأنت تدري
بأن حبي ماأبالغ لو وصفتہ
بأنه أصدق حب
يحصل في حياة الصادقين
قال لي: يا ريم
ربي يشهد بدمع'نـ نثرته
ويشهد إني وافي لحبـك
ولاسرارك أمين
إرجعي لأبوك
قولي: نصفي الثاني وجدتہ
واحتريني
جايب"نـ مهرك ودبلہ باليمين
إبتسمت
وقلت في نفسي حرام إني ظلمتہ
ثم طلعت من المحل والفرحـہ بعيوني تبين
وقمت أتمتم
في طريقي:
هذي أختہ
هذي أختہ
آآآآه يازين الوفاء
لاصار بين العاشقين .

ججإز لي كثير rendeer