[[...قهوتي سكر زيآده والجريده آخبآآرهآ سآآده...]]
صبآآحكم ./
سكر زياده ..
.~ جريدة الصباح ~
~ جريدة ~
في كل صباح .. تحمل العالم يديني
أخبار .. مآسي .. حروب
أقرأها في طي الجريدة
قهوتي سكر زيادة
والجريدة .. أخبارها سادة
في الزاوية آخر خبر ..
واحد في الانعاش ..والثاني انتحر ..!
وجنبه اعلان :
الليلة حفلة يحييها فنان !!
وفوقهم مجرم على كتفه حمامة ..
قالوا: ذا " صانع سلام
بعدها بصفحات .. صورة مدينة
و مباني حزينة ..
وحشية و دمار ..
ياحلوها الاخبار ..!!
قهوتي سكرها زيادة ..
والجريدة اخبارها سادة ..
إعلان : ضاعت كلبة فلان .. واللي يلقاها له جائزة مليون
إعلان : ملايين البشر من جوعهم يشكون .. !
حادث: في تمام الساعة الفاجعة من منتصف الويل
.. حادث اغتصاب .. طفلة يعتدي على عرضها شاب ..
و القهر .. ماتعدت من عمرها الاعوام ..
و الحكم .. عشرين عام.. وبالتمام ..
بين قوسين.." كلها سنتين وياخذ افراج"
حسن سيرة و سلوك ..!
قهوتي سكر زيادة ..
و الجريدة .. اخبارها سادة ..
وبعدها صفحة ملونة ..
وحدة قرعة .. ماتدري ليش ..
كأنها واحد داخل الجيش ..
و الثانية شتان .. شعرها واقف طويل ..
تحسب انه مهرجان ..
و فوضة مابعدها فوضة ..
ولما تمعنت و قريت .. عرفت انها الموضة ..
أبراج .. قلت أنا بقرا الابراج
يمكن ألقى لي خبر .. يطيب الخاطر ويعدل لي المزاج
الحوت : انت مريض و جايز تموت ..
كذبت احساسي .. وقلت في نفسي ..
اكيد انا ناسي ... مو هذا برجي ..
اكيد ذا برج العدو .. قلت انا بقرا " الدلو "
قهوتي سكر زيادة .. والجريدة .. اخبارها سادة ..
...
..
طبقت الجريدة مثل ماكانت .. وقعدت ادور ..
وين الذي باعها وين ؟!
ممآ تصفحت ..
بحفظ الرحمن..)
![[[...قهوتي سكر زيآده والجريده آخبآآرهآ سآآده...]] 603798](https://2img.net/u/2013/61/65/66/smiles/603798.gif)
![[[...قهوتي سكر زيآده والجريده آخبآآرهآ سآآده...]] 424372](https://2img.net/u/2013/61/65/66/smiles/424372.gif)
![[[...قهوتي سكر زيآده والجريده آخبآآرهآ سآآده...]] 179585](https://2img.net/u/2013/61/65/66/smiles/179585.gif)
![[[...قهوتي سكر زيآده والجريده آخبآآرهآ سآآده...]] 133491](https://2img.net/u/2013/61/65/66/smiles/133491.gif)
